პროექტის აღწერა :ცალმხრივი არაწრფივი დიფერენციალური უტოლობებისა და ასეთ უტოლობათა სისტემებისათვის არაწრფივი და წრფივი სასაზღვრო პირობებით დამუშავებულია ამონახსნების აპრიორული შეფასებების მეთოდი. ამ მეთოდის საფუძველზე გამოკვლეულია: (ა) სასაზღვრო ამოცანები სასრულ და უსასრულო შუალედებზე არაწრფივი ჩვეულებრივი დიფერენციალური განტოლებებისა და სისტემებისათვის; (ბ) საწყის-სასაზღვრო და სასაზღვრო ამოცანები მახასიათებელ მართკუთხედში მაღალი რიგის არაწრფივი ჰიპერბოლური განტოლებებისათვის; (გ) არაწრფივი დიფერენციალური სისტემების ფეთქებადი ამონახსნების არსებობის შესახებ ამოცანა და ამ ამონახსნების შეფასება.
მეორე რიგის არაწრფივი ჩვეულებრივი დიფერენციალური განტოლებებისათვის სასრულ შუალედში შესწავლილია დირიხლეს სინგულარული ამოცანა და შერეული ამოცანა, და უსასრულო შუალედში გამოკვლეულია შემოსაზღვრული და არარხევადი ამონახსნების არსებობის შესახებ ამოცანა. მაღალი რიგის არაწრფივი ფუნქციონალურ დიფერენციალური განტოლებებისათვის შესწავლილია პერიოდული ამოცანა.
კლეინ-გორდონისა და საინ-გორდონის არაწრფივი განტოლებებისათვის და ტალღის განტოლებებისათვის შესწავლილია კოშის მახასიათებელი და დარბუს ტიპის ამოცანების ლოკალურად და გლობალურად ამოხსნადობა.
მეორე რიგის არაწრფივი ჰიპერბოლური განტოლებებისათვის პარაბოლური გადაგვარებებით გამოკვლეულია კოშისა და დარბუს ტიპის ამოცანების ლოკალურად და გლობალურად ამოხსნადობა.
მიმდინარეობის წლები :01/01/2004 - 31/12/2007
პროექტის ხელმძღვანელი :ლიდერი არ მოიძებნა
პროექტის მენეჯერი:
პროექტში მონაწილე (ები) :ნინო ფარცვანია01/01/2004 - 31/12/2007ივანე კიღურაძე01/01/2004 - 31/12/2007