კალენდარი
| «« | აპრილი 2024 | »» |
ორ
სა
ოთ
ხუ
პა
შა
კვ
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 |
სიახლეების გამოწერა
სათაური:
მსხლის ფორმის მეტალო-დიელექტრიკულ ანტენათა გამოკვლევა უარყოფითი დიელექტრიკული პარამეტრებისა და შემათანხმებელი მოწყობილობის გამოყენებით
დონორი ორგანიზაცია :
ეროვნული სამეცნიერო ფონდის გრანტი-ახალგაზრდა მეცნიერთათვის პრეზიდენტის სახელმწიფო სამეცნიერო გრანტი
ბიუჯეტი:
15000 GEL
გრანტის ნომერი :
GNSF/PRES08/7-347
კვლევის მიმართულება:
3 საინჟინრო მეცნიერებები, მაღალტექნოლოგიური მასალები
კვლევის ქვემიმართულება:
3-160 ელექტროტექნიკა
საკვანძო სიტყვები:
ანტენები
პროექტის აღწერა :
პროექტის ფარგლებში განხორციელებულია შემდეგი ამოცანები:
1. თანამედროვე დიელექტრიკები არიან საუკეთესო ნივთიერებები რადიო სისტემებში გამოსაყენებლად. მათი ანტენებში გამოყენების ერთ-ერთი მიზეზია ის, რომ ეფექტური რადიო ტალღის სიგრძე დიელექტრიკულ ნივთიერებებში უფრო მოკლეა ვიდრე თავისუფალ გარემოში, ამიტომ დიელექტრიკების გამოყენებით მეტალური ანტენები შეიძლება გაცილებით მცირე ზომის დამზადდეს. მეორე მიზეზია ის, რომ ასეთი ანტენა უფრო სტაბილური ხდება, როცა მის მახლობლად მოთავსებულია სხვა ობიექტები. დღეისათვის მეტად მნიშვნელოვანია ისეთი მასალების გამოყენება, რომელთაც აქვთ უარყოფითი დიელექტრიკული და მაგნიტური შეღწევადობა. ასეთი ნივთიერებები ბუნებაში არ არსებობს, მაგრამ აღმოჩნდა, რომ მათი შექმნა ხელოვნურად სავსებით შესაძლებელია. ამიტომ, მნიშვნელოვანია ასეთი ნივთიერებების გამოკვლევა მათი შემდგომი გამოყენებისთვის. პროექტის ფარგლებში მოდიფიცირებულია არსებული დგმ მიდგომა უარყოფითი მნიშვნელობის დიელექტრიკულ და მაგნიტური შეღწევადობის მქონე ნივთიერებების ემ თვისებების გამოსაკვლევად; დგმ ალგორითმის ბაზაზე შექმნილია პროგრამული კოდი სწრაფი რიცხვითი ექსპერიმენტების ჩასატარებლად; შემოწმებულია ალგორითმის სიზუსტე სასაზღვრო პირობების შესრულების თვალსაზრისით; ამოხსნილია რამოდენიმე ტესტური ამოცანა.
2. გამოკვლეულია ენერგიის დანაკარგების სიხშირეზე დამოკიდებულება (S11) მფმა-ის დიელექტრიკული ფენის უარყოფითი დიელექტრიკული და მაგნიტური შეღწევადობის სხვადასხვა მნიშვნელობებისათვის; ჩატარებული რიცხვითი ექსპერიმენტების ანალიზის საფუძველზე შეირჩა მფმა-ის ოპტიმალური ელექტრომაგნიტური პარამეტრები; გამოვლენილ რეზონანსულ სიხშირეებზე შესწავლილია ახლო ველის განაწილება, გამოსხივების დიაგრამა და შეფასებულია ანტენური სტრუქტურის ვარგისიანობა.
შედეგების ანალიზი აჩვენებს, რომ ანტენის პარამეტრების შერჩევით შესაძლებელია შეიქმნას ისეთი მფმა ტიპის სტრუქტურა, რომელსაც მოცემულ სიხშირეზე ექნება საუკეთესო ანტენური მახასიათებლები.
3. ანტენის კონსტრუირებისას მნიშვნელოვანი და საკვანძო საკითხია მისი მკვებავ კაბელთან კარგი შეთანხმების უზრუნველყოფა. ამის ერთ-ერთ საშუალებას წარმოადგენს შემათანხმებელი მოწყობილობების (ფენების) გამოყენება ანტენასა და კაბელს შორის; მაგალითად ფენისა, რომლის ელექტრული ზომა ტოლია ტალღის სიგრძის მეოთხედისა, ხოლო ტალღური იმპედანსი უდრის კვადრატულ ფესვს შესათანხმებელ გარემოთა ტალღური იმპედანსების ნამრავლისა. ჩვენს შემთხვევაში შემათანხმებელი მოწყობილობა წარმოადგენს კოაქსიალური კაბელის ნაწილს, ანტენის და მკვებავი კაბელისგან განსხვავებული ემ პარამეტრებით, რომელიც ჩადგმულია ანტენასა და კვებას შორის. პროექტის ფარგლებში დგმ-ს ბაზაზე მოხდა შემათანხმებელი მოწყობილობის მოდელირება, კერძოდ მკვებავ კაბელს და ანტენას შორის მოვათავსეთ კაბელის იდენტური დიამეტრის მქონე შემათანხმებელი ფენა, მოხდა შესაბამისი სასაზღვრო პირობების მოდიფიცირება და ამოიხსნა ელექტროდინამიკური ამოცანა. შეიქმნა პროგრამული კოდი რის საშუალებითაც შეიძლება მარტივად ვცვალოთ შემათანხმებელი მოწყობილობის სიგრძე და ემ პარამეტრები ანტენის ოპტიმალური გამოსხივების მახასიათებლების მისაღებად. პროგრამული კოდი ინტეგრირებულია პროგრამულ პაკეტში, რომელსაც გააჩნია მომხმარებლისთვის მოსახერხებელი ინტერფეისი და არ მოითხოვს მეთოდის ღრმა ცოდნას. შემოწმებულია ალგორითმის სიზუსტე სასაზღვრო პირობების შესრულების თვალსაზრისით და ამოხსნილია რამოდენიმე ტესტური ამოცანა. აღმოჩნდა, რომ შემათანხმებელი მოწყობილობა აღძრავს საკუთარ რეზონანსებს (ანტენის რეზონანსისგან განსხვავებულს) და შესაბამისად ფართოვდება ანტენის გამოსხივების დიაპაზონი, ასევე ხდება ანტენის ეფექტურობის საგრძნობი ამაღლება.
4. დგმ-ს ბაზაზე შექმნილი პროგრამული პაკეტის გამოყენებით გამოკვლეულია მფმა-ს ემ მახასიათებლები შემათანხმებელი მოწყობილობის სხვადასხვა სიგრძისა და ელექტროდინამიკური პარამეტრების შემთხვევაში ანტენის ოპტიმალური გამოსხივების მისაღებად. კერძოდ, სწრაფი რიცხვითი ექსპერიმენტების საშუალებით გამოთვლილია ენერგიის დანაკარგების (S11) სიხშირეზე დამოკიდებულება, შერჩეულია შემათანხმებელი მოწყობილობის ოპტიმალური გეომეტრიული და ფიზიკური პარამეტრები. მიღებული შედეგები საშუალებას იძლევა ჩამოყალიბდეს კონკრეტული რეკომენდაციები სათანადო ანტენური სტრუქტურის დამზადებისთვის სხვადასხვა გამოყენების თვალსაზრისით.
მიმდინარეობის წლები :
01/01/2009 - 31/12/2009
პროექტის ხელმძღვანელი :
თამარ გოგუა
პროექტის მენეჯერი:
პროექტში მონაწილე (ები) :
რაიმე უზუსტობის შემთხვევაში გთხოვთ
შეატყობინოთ ადმინისტრატორს
