ივ. ჯავახიშვილის სახელობის თბილისის სახელმწიფო უნივერსიტეტი მონაწილეობს ტემპუსის პროექტში: „ჩაშენებული სისტემების კურსების განვითარება ინოვაციური ვირტუალური მიდგომების გამოყენებით კვლევის, განათლებისა და წარმოების ინტეგრაციის მიზნით უკრაინა, სომხეთსა და საქართველოში“ - DESIRE 544091-TEMPUS-1-2013-1-BE-TEMPUS-JPCR (Development of Embedded System courses with implementation of Innovative virtual approaches for integration of Education, Research and Production in UA, GE, AM - DESire 2013). პროექტში მონაწილეობს 12 უნივერსიტეტი 6 ქვეყნიდან. თსუ პროექტის ერთ-ერთი პარტნიორი უნივერსიტეტია. პროექტის წამყვანი ორგანიზაცია არის ტომას მორის საუნივერსიტეტო კოლეჯი (ქ. მეხელენი, ბელგია).

ივ. ჯავახიშვილის სახელობის თბილისის სახელმწიფო უნივერსიტეტი მონაწილეობს გაეროს განვითარების პროგრამის (UNDP) მიერ დაფინანსებულ პროექტში „შავი ზღვის გარემოს მონიტორინგის გაუმჯობესება“ (Improving Environmental Monitoring in the Black Sea - EMBLAS). პროექტის მიზანია გააძლიეროს შავი ზღვის მოსაზღვრე ქვეყნების შესაძლებლობები ზღვის ოკეანოგრაფიული, ბიოლოგიური და ქიმიური მონიტორინგის სფეროში, რომელიც პასუხობს ევროგაერთიანების საზღვაო პოლიტიკის ჩარჩო დირექტივების (MSFD) მოთხოვნებს.

სრული ინფორმაცია საქართველოში ამჟამად მოქმედი პროექტების შესახებ იხილეთ აქ.

30 სექტემბერს, 11.00 საათზე ივანე ჯავახიშვილის სახელობის თბილისის სახელმწიფო უნივერსიტეტში თარგმანისა და ლიტერატურული ურთიერთობების სასწავლო-სამეცნიერო ინსტიტუტი მთარგმნელის საერთაშორისო დღესთან დაკავშირებით სამეცნიერო კონფერენციას „თარგმანი და კულტურათშორისი ურთიერთობები“ გამართავს.

კონფერენციის დასრულების შემდეგ შედგება სამაგისტრო პროგრამის „თარგმანის თეორიისა და მთარგმნელობითი პრაქტიკის“ კურსდამთავრებულთა „მთარგმნელის ფიცის“ (ნეტარი იერონიმეს ფიცის) დადების საზეიმო ცერემონია. ღონისძიების ფარგლებში, თსუ პირველი კორპუსის ფოიეში გაიმართება ფოტოგამოფენა "X IX საუკუნის ქართველი მთარგმნელები".

მიმამართი: ი.ჭავჭავაძის №1, თსუ I კორპუსი, აუდიტორია №309

14 ოქტომბერს, 10.00 საათზე ივანე ჯავახშვილის სახელობის თბილისის სახელმწიფო უნივერსიტეტში მეშვიდე საერთაშორისო კონფერენცია „ფიზიკა დიდი ადრონული კოლაიდერის ერაში“ გაიმართება.

კონფერენცია ტრადიციულია და თსუ-ში 2001 წლიდან ორ წელიწადში ერთხელ ტარდება. თავდაპირველად