მოკლევადიანი ინდივიდუალური სამოგზაურო სახელმწიფო სამეცნიერო გრანტების კონკურსის მიზანია ხელი შეუწყოს საქართველოს მეცნიერთა მონაწილეობას საერთაშორისო სამეცნიერო ღონისძიებებში, რათა ინფორმაციის გაცვლისა და გამოცდილების გაზიარების შედეგად გააძლიეროს ადგილობრივი სამეცნიერო პოტენციალი და დაეხმაროს საქართველოს მეცნიერების საერთაშორისო სამეცნიერო სივრცეში ინტეგრაციას.
სამოგზაურო გრანტების საშუალებით ქართველ მეცნიერებს საშუალება ეძლევათ მონაწილეობა მიიღონ საზღვარგარეთ დაგეგმილ საერთაშორისო სამეცნიერო ღონისძიებებში.

სამოგზაურო გრანტები ფინანსდება საქართველოს სახელმწიფო ბიუჯეტიდან და მის სრულ ადმინისტრირებას ახორციელებს სსიპ - შოთა რუსთაველის ეროვნული სამეცნიერო ფონდი.

კონკურსში მონაწილეობის მისაღებად განმცხადებელი დარეგისტრირებული უნდა იყოს ფონდის ელექტრონულ ბაზაში, საკონკურსო განაცხადი შეავსოს და წარადგინოს ელ. ბაზის მეშვეობით.

2015 წლის კონკურსი ჩატარდება 2 ნაკადად.
საკონკურსო დოკუმენტაციის ფონდში ონლაინ წარდგენის (ელექტრონულ ბაზაში)

ბოლო ვადებია:

· პირველი ნაკადი - არა უგვიანეს 2015 წლის 16 ივნისისა ( 2015 წლის 1 ივლისიდან - 31 ოქტომბრის ჩათვლით დაგეგმილი ღონისძიებებისთვის);

· მეორე ნაკადი - არა უგვიანეს 2015 წლის 8 სექტემბრისა ( 2015 წლის 1 ოქტომბრიდან - 2016 წლის 31 იანვრის ჩათვლით დაგეგმილი ღონისძიებებისთვის).

განცხადის ელექტრონულ ბაზაში რეგისტრაცია შესაძლებელი იქნება 2015 წლის 8 ივნისიდან.

ვადის დარღვევით წარმოდგენილი საკონკურსო განაცხადები შესაბამისი პერიოდებისათვის საკონკურსოდ არ განიხილება.

კონკურსში მონაწილეებს განაცხადის წარდგენის ბოლო ვადიდან 10 სამუშაო დღის განმავლობაში ეცნობებათ პასუხი დაფინანსების შესახებ ფონდის ვებგვერდის საშუალებით.

კონკურსის პირობებთან, ან ელ. ბაზაში რეგისტრაციასთან დაკავშირებულ შეკითხვებზე პასუხის გასაცემად კონკურსის მონაწილეთათვის ჩატარდება ჯგუფური კონსულტაციები შემდეგი გრაფიკით:

· სამშაბათს, 9 ივნისს, 16:00 სთ-ზე, ფონდის საკონფერენციო დარბაზში;
· ხუთშაბათს, 11 ივნისს, 16:00 სთ-ზე, ფონდის საკონფერენციო დარბაზში.

დეტალური ინფორმაცია, კონკურსის პირობების შესახებ იხილეთ ქვემოთ მოცემულ ბმულებში:

· ბრძანება;
· კონკურსის პროგრამა და მასში მონაწილეობის პირობები;
· შეფასების კრიტერიუმები;
· საქართველოს პრეზიდენტის 2005 წლის 20 აპრილის N 231 ბრძანებულება;
· საქართველოს მთავრობის 2008 წლის 20 თებერვლის #30 დადგენილება;
· საკონკურსო განაცხადის წარდგენა/ დარეგისტრირება

კონსულტაციებისთვის, გთხოვთ მიმართოთ პროგრამის კოორდინატორს, ნინო დემეტრაშვილს
ტელ: + (995 32) 2 200 220 (შიდა 4302), ელ-ფოსტა: demetrashvili@rustaveli.org.ge

ფონდის ელ. ბაზაში რეგისტრაციის შეფერხების შემთხვევაში, გთხოვთ დაუკავშირდეთ მარიამ ვარდიშვილს
მობ.: 577546558; ელ. ფოსტა: vardishvili@rustaveli.org.ge

ჯგუფურ კონსულტაციებში მონაწილეობის მისაღებად, მოგვმართეთ შემდეგ მისამართზე:
ქ. თბილისი, მ. ალექსიძის ქ. #1, III სართული.