კალენდარი
«« მარტი 2020 »»
ორ სა ოთ ხუ პა შა კვ
       1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
  
tsu.ge
სიახლეების გამოწერა
ახალი ამბები
თსუ-ში, ზუსტ და საბუნებისმეტყველო მეცნიერებათა ფაკულტეტის ოკეანოგრაფიისა და ჰიდროლოგიის ინსტიტუტში განხორციელდება ევროკომისიის სამეცნიერო პროგრამის “Horizon 2020“ -ის მიერ დაფინანსებული ახალი პროექტი „Black Sea CONNECT“, 2019 – 2022 წწ.)

შავ ზღვას აქვს სასიცოცხლოდ მნიშვნელოვანი რესურსი და ფართო პოტენციალი ლურჯი ეკონომიკის განვითარებისათვის შავი ზღვის მიმდებარე ქვეყნებში. აღნიშნული რესურსების გამოყენებას ევროკავშირი ხელს უწყობს ერთობლივი კვლევების განვითარებით, ინოვაციური საგზაო რუკისა და ეროვნული პოლიტიკის შემუშავებით. ამ კონტექსტში იქნა შემუშავებული ე.წ. „ბურგასის ხედვის დოკუმენტი“, რომელიც ამოქმედდა 2018 წელს და მასში წარმოდგენილია საერთო მიდგომები 2030 წლისათვის პროდუქტიული, ჯანმრთელი, რეზისტენტული, მდგრადი და ღირებული შავი ზღვისათვის. დოკუმენტი მხარდაჭრილია შავი ზღვის ქვეყნების მინისტერიალის დეკლარაციით. ასევე, შავი ზღვის ლურჯი ზრდის ინიციატივის ფარგლებში შემუშავებულია სტრატეგიული კვლევებისა და ინოვაციების დღის წესრიგი (SRIA), რომელიც გამოყოფს შავი ზღვის ოთხ ძირითად გამოწვევას, ესენია: ცოდნა შავი ზღვის შესახებ, შავი ზღვის ლურჯი ეკონომიკა-ლურჯი ზრდა, ერთობლივი საკვანძო ინფრასტრუქტურა და პოლიტიკა, მოსახლეობის კეთილდღეობა და საწარმოო ძალების გაძლიერება.
პროექტის ძირითადი მიზანია ბურგასის ხედვის დოკუმენტზე დაფუძნებული SRIA-ს ოპერატიული სამოქმედო გეგმების განვითარების ხელშეწყობა.
დეტალური ინფორმაციისათვის იხილეთ:
connect2blacksea.org;
https://www.facebook.com/connect2blacksea/
https://twitter.com/ConnectBlackSea
02/10/2019
თსუ-ში მიმდინარე პროექტ "RedMarLitter" -ის (EU Black Sea Basin Joint Operational Program 2014-2020) ფარგლებში, 2019 წლის 24-26 სექტემბერს, ბურგასში (ბულგარეთი), ჩატარდა შეხვედრა, სადაც წარმოდგენილი იქნა ინოვაციური ონლაინ პლატფორმა, რომლის ბაზაზე იქმნება შავი ზღვის მყარი ნარჩენების (მარინლიტერის) მონაცემთა ერთიანი ბაზა.
პლატფორმა იმუშავებს განახლებად რეჟიმში და როგორც სამეცნიერო ორგანიზაციებს, ისე ცალკეულ პიროვნებებს, ბაზაზე წვდომის და ახალი მონაცემების დამატების შესაძლებლობა ეძლევათ. პლატფორმა მნიშვნელოვნად შეუწყობს ხელს აღნიშნულ სფეროში სამეცნიერო კვლევების განვითარებას და საზღვაო ნარჩენებზე ინფორმაციის ხელმისაწვდომობას.
პროექტის მონაწილეები, თსუ-თან ერთად, არიან „ფონდი ვია პონტიკა“ (კონსორციუმის მენეჯერი), ბურგასის მუნიციპალიტეტი და ოვიდიუსის უნივერსიტეტი (რუმინეთი).

დეტალური ინფორმაციისათვის იხილეთ:
https://blacksea-cbc.net/projects-newsevents/redmarlitter-bsb552-innovative-database-for-marine-litter-pollution/
თსუ-ს ზუსტ და საბუნებისმეტყველო მეცნიერებათა ფაკულტეტის გეოგრაფიის დეპარტამენტში ხორციელდება ევროკომისიის პროგრამა Horizone 2020-ის ფარგლებში დაფინანსებული საერთაშორისო საგრანტო პროექტი „SeaDataCloud - Further developing the pan-European infrastructure for marine and ocean data management“ (2016-2020 წ.წ.), რომელშიც მონაწილეობს ევროპის ყველა საზღვაო ქვეყანა და საერთაშორისო ორგანიზაციები.

EMBLAS-ი (“Improving environmental monitoring in the Black Sea“), თსუ-ში მიმდინარე ერთ-ერთი წარმატებული პროექტია, რომლის პირველი ფაზა დაიწყო 2012 წელს და დასრულდა გასული წლის მარტში. საქართველოდან, პროექტში მონაწილეობს ორი პარტნიორი, კერძოდ - გარემოს ეროვნული სააგენტო (წამყვანი ორგანიზაცია, სამუშაო ჯგუფის ხელმძღვანელი დოქტორი მარინე არაბიძე) და ივ.ჯავახიშვილის სახელობის თბილისის სახელმწიფო უნივერსიტეტი (სამუშაო ჯგუფის ხელმძღვანელი ასოც. პროფესორი კახაბერ ბილაშვილი).

03/02/2016
ივანე ჯავახიშვილის სახელობის თბილისის სახელმწიფო უნივერსიტეტისა და ბილეფილდის უნივერსიტეტის თანამშრომლობის ფარგლებში 2016 წლის 18-20 თებერვალს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში ჩატარდება სამდღიანი საერთაშორისო კონფერენცია - „სოციო–პოლიტიკური ტრანსფორმაციების გავლენა ენასა და იდენტობაზე“
რაიმე უზუსტობის შემთხვევაში გთხოვთ   შეატყობინოთ ადმინისტრატორს