კალენდარი
«« ნოემბერი 2019 »»
ორ სა ოთ ხუ პა შა კვ
     1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
  
tsu.ge
სიახლეების გამოწერა
სათაური: ქართულ-კავკასიური ფოლკლორული ურთიერთობები: მე-19-20 საუკუნეების წყაროები და თანამედროვე ნარატივები
დონორი ორგანიზაცია : შოთა რუსთაველის ეროვნული სამეცნიერო ფონდი
ბიუჯეტი: 1 5 0 0 0 0
გრანტის ნომერი : F R / 5 3 2 / 2 - 1 5 4 / 1 3
კვლევის მიმართულება : 2 ჰუმანიტარული და სოციალური მეცნიერებები, ეკონომიკური მეცნიერებები
კვლევის ქვემიმართულება : 2-154 ფოლკლორი
საკვანძო სიტყვა : ფოლკლორი, კავკასია
პროექტის აღწერა : ფოლკლორისტიკაში მეცნიერულად დამუშავებულია კავკასიაში მოსახლე თითოეული ხალხის ზეპირსიტყვიერი შემოქმედება, მაგრამ მხოლოდ ერთეული ავტორები თუ შეხებიან, ისიც სპორადულად, ქართულ და ჩრდილოკავკასიურ ფოლკლორულ პარალელებს. კავკასიოლოგიური საკითხები საფუძვლიანად არის შესწავლილი ენათმეცნიერული და ისტორიული თვალსაზრისით, მაგრამ, რაოდენ გასაკვირიც არ უნდა იყოს, ფოლკლორისტების ყურადღების მიღმა დარჩა ქართველებისა და მათი უახლოესი მეზობლების ზეპირსიტყვიერების ურთიერთმიმართების საკითხები. კვლევის სიახლე. ქართული და ჩრდილოკავკასიური ფოლკლორული ურთიერთობის კვლევა გამოავლენს კავკასიის ხალხთა საკომუნიკაციო კულტურის ხასიათს, კონტაქტების ინტენსივობას, ისტორიულად ჩამოყალიბებულ ტრადიციასა და ღირებულებებს. ეთნიკური და სარწმუნოებრივი სიჭრელით გამორჩეული ეს რეგიონი სხვადასხვა წარმომავლობის ხალხთა მიგრაციების ასპარეზი იყო. მკვიდრ მოსახლეობასთან მათი ურთიერთობა სხვადასხვა ფორმით მიმდინარეობდა. ინტენსიურ კონტაქტებს ცვლიდა იზოლაცია და კარჩაკეტილობა, ბარისა და მთის რეგიონების დათითოება და სხვადსხვა მიმართულებით განვითარება. ეს აისახა კიდეც ამ ხალხების კულტურულ კონაქტებსა და ფოლკლორულ შემოქმედებაში. აშკარად გამოკვეთილ ერთი გენეზისის მქონე სახეების გვერდით ვხედავთ ისტორიული მეზობლობით განპირობებულ სესხებასა და ტიპოლოგიურ მსგავსებას. ეს საკითხები არ დასმულა ფოლკლორისტების მიერ და შესაბამისად, არც გამოკვლეულა. საინტერესო სურათს გვპირდება საველე მუშაობა და თანამედროვე კავკასიელთა ზეპირსიტყვიერება, განსაკუთრებით საქართველოს იმ რეგიონებში, სადაც კომპაქტურად სახლობენ კავკასიის სხვადასხვა ეთნოსის წარმომადგენლები. ეს იქნება მნიშვნელოვანი მასალა იმის გასარკვევად, არსებობდა თუ არა ისტორიულად ერთიანი კავკასია (მსოფლმხედველობრივი და კულტურული თვალსაზრისით) და რა შეიძლება გამოვიყენოთ ისტორიული გამოცდილებიდან ჩვენს დღევანდელობაში. პროექტის სიახლეს წარმოადგენს კავკასიური მასალის კომპლექსური კვლევა, რაც აქამდე არ ჩატარებულა. პროექტის მიზანია, საერთაშორისო სამეცნიერო წრესა და ფართო საზოგადოებას გააცნოს ქართული და ჩრდილოეთ კავკასიის ხალხთა ფოლკლორული ურთიერთობები, რომლის ჩამოყალიბებაში დიდი როლი ითამაშა ამ ხალხთა მეზობლობამ, ისტორიულ-გეოგრაფიულმა გარემომ და ინტენსიურმა კულტურულმა კავშირებმა. პროექტი ნათელს მოჰფენს იმ გავლენებს, რაც მოახდინეს ერთმანეთის შემოქმედებაზე მეზობელმა ხალხებმა და როგორ აისახა ფოლკლორში მათი ისტორიული ურთიერთობები.
მიმდინარეობის წლები : 01/05/2014 - დღემდე
პროექტის ხელმძღვანელი : ლიდერი არ მოიძებნა
პროექტის მენეჯერი:
პროექტში მონაწილე (ები) : ელენე გოგიაშვილი 01/05/2014 - დღემდე
რაიმე უზუსტობის შემთხვევაში გთხოვთ   შეატყობინოთ ადმინისტრატორს